اسلامی نظریاتی کونسل کے چیئرمین ڈاکٹر قبلہ ایاز نے لیفٹیننٹ جنرل سید حافظ عاصم منیر کی بطور چیف آف دی آرمی سٹاف اور لیفٹیننٹ جنرل ساحر شمشاد مرزا کی بطور جوائنٹ چیفس آف سٹاف کمیٹی تعیناتی کو انتہائی قابل تحسین اقدام قرار دیا ہے۔ انہوں نے امید ظاہر کی کہ یہ فیصلہ ملکی دفاع کو ناقابل تسخیر بنانے میں کلیدی کردار ادا کرے گا اور پاکستان مزید ترقی واستحکام کی راہ پر گامزن ہوگا۔ انہوں نے کہا کہ نئے عسکری سربراہوں کی پیشہ وارانہ قابلیت افواج پاکستان کے لیے قابل فخر اثاثہ ہے۔ ان شا اللہ نئے عسکری سربراہان کی قیادت میں مسلح افواج تقویت کے نئے سنگ میل عبور کریں گی۔ قوم کی دعائیں ان کے ساتھ ہیں۔