گورنر پنجاب محمد بلیغ الرحمان نے کہا ہے کہ وزیر اعلی چودھری پرویز الٰہی کو اسمبلی سے اعتماد کا ووٹ لینا پڑے گا، یہ ایک آئینی تقاضا ہے۔
جمعہ کو گورنر ہاس میں سابق صوبائی وزرا اور اراکین اسمبلی کے وفود سے ملاقات میں بلیغ الرحمان کا کہنا تھا کہ وزیر اعلی پنجاب پرویز الٰہی کو آئین و قانون کے مطابق اعتماد کا ووٹ لینے کا کہہ چکے ہیں۔
خیال رہے کہ گزشتہ روز گوجرانوالہ میڈیکل کالج ٹیچنگ ہسپتال کے افتتاح کے موقع پر میڈیا سے بات کرتے ہوئے پرویز الٰہی نے کہا تھا کہ وہ گورنر پنجاب کے حکم کو نہیں مانتے، وہ غیرقانونی حکم تھا۔
گورنر پنجاب نے وزیر اعلی پرویز الٰہی کو ہدایت کی تھی کہ وہ 21 دسمبر کو اسمبلی سے اعتماد کا ووٹ لیں، تاہم ووٹ نہ لینے کی صورت میں کابینہ کو ختم کرنے اور پرویز الہی کو برطرف کرنے کا آرڈر جاری کر دیا گیا تھا۔
اس کے بعد لاہور ہائیکورٹ نے برطرفی کا نوٹس عارضی طور پر معطل کرتے ہوئے فریقین کو نوٹس جاری کر دیے تھے جس کی آئندہ سماعت 11 جنوری کو ہوگی۔
