فرانس کے شہر سٹراس برگ میں قائم انسانی حقوق کی یورپی عدالت نے واضح کیا ہے کہ یورپ میں ایک ہی جنس کے جوڑوں کو شادی کا کوئی قانونی حق حاصل نہیں ہے ۔
غیر ملکی میڈیا کی رپورٹ کے مطابق عدالت نے آسٹریا کے دو باشندوں کی اپیل مسترد کردی جس میں ان کا کہنا تھا کہ ان کے ملک کی طرف سے انہیں آپس میں شادی کی اجازت نہ دینا شادی کے حق کی خلاف ورزی ہے اور یورپی حقوق کے قانون میں امتیاز کو ختم کیا جائے ۔
یہ عدالت یورپین کونسل کا حصہ ہے اور یورپین کونسل کے 47 ممالک سے تعلق رکھنے والے 47 ججوں نے ہم جنس پرستی کے خلاف متفقہ طور پر فیصلہ دیا ہے ۔
عدالت نے ایک بیان میں کہا کہ 47یورپی ملکوں میں سے صرف 7 نے ہم جنسوں کو شادی کی اجازت دی ہے ۔
عدالت نے کہا کہ نیشنل اتھارٹیز اس حوالے سے معاشرے کی ضرورتوں اور ردعمل کا جائزہ لینے کےلئے مناسب فورم ہے ۔
