واشنگٹن 12 اگست (ٹی این ایس ) امریکی صدر ڈونلڈ ٹرمپ کا کہنا ہے کہ شمالی کوریا امریکی علاقوں یا اتحادیوں کیخلاف اقدام سے باز رہیں ورنہ انہیں پچھتانا پڑے گا۔تفصیلات کے مطابق امریکی فوجی کسی بھی آپریشن کے لیے مستعد اور تیار ہیں۔ شمالی کوریا کے معاملے پر چینی صدر سے بات کروں گا اور امید ہے کہ شمالی کوریا کے تنازع کا وہ بہتر حل نکال لیں گے۔ غیر ملکی خبر رساں ادارے کے مطابق امریکی صدر ٹرمپ نے کہا کہ مجھ سے زیادہ کوئی بھی اس معاملے کا پرامن حل نہیں چاہتااسی لیے شمالی کوریا تنازع پر چین اور دیگر ممالک کے ساتھ مل کر کام کر رہے ہیں۔
وینزویلا سے متعلق صدر ٹرمپ کا کہنا تھا کہ وہاں سیاسی کشیدگی کے باعث کئی افرادہلاک ہوئے۔ انہوں نے وینزویلا کیخلاف اقتصادی پابندیوں سمیت دیگر آپشنزز زیر غور ہونے کا بھی عندیہ دیا۔ٹرمپ کا کہنا تھا کہ کئی ممالک میں امریکی فورسز موجود ہیں، وینزویلا ان سے زیادہ دور نہیں، ضرورت پڑنے پر وینزویلا کے خلاف فوجی کارروائی کرسکتے ہیں۔
