چیئرمین پی ٹی آئی سے کون سے 10 وکلا جیل میں ملاقات کر سکیں گے؟ سپرنٹنڈنٹ اڈیالہ جیل نے چیئرمین پی ٹی آئی سے پوچھ کر فہرست اسلام آباد ہائیکورٹ میں جمع کرا دی۔
عدالت میں جمع کرائی گئی فہرست کے مطابق منگل اور جمعرات کو چیئرمین پی ٹی آئی سے ملاقات کرنے والے وکلا میں حامد خان، بیرسٹر علی ظفر، شعیب شاہین، شیر افضل مروت، سلمان صفدر، بیرسٹر عمیر نیازی کے نام شامل ہیں۔ سلمان اکرم راجہ، بیرسٹر گوہر، برہان معظم، لطیف خان کھوسہ بھی چیئرمین پی ٹی آئی سے ملاقات کر سکیں گے۔ سپرنٹنڈنٹ اڈیالہ جیل کے اقدام پر چیئرمین پی ٹی آئی کے وکلا نے اطمینان کا اظہار کیا ہے۔ اسلام آباد ہائیکورٹ نے سہولیات فراہمی درخواست نمٹانے کا تحریری حکم جاری کر دیا۔
