حکومت پاکستان
وزارت سمندر پار پاکستانیز اور ترقی انسانی وسائل
تجویز کردہ عنوانات
1- معاون خصوصی جواد سہراب ملک اور قطری وزیر H.H. النعیمی کی تعلیم کے شعبے میں تعاون پر تبادلہ خیال
2. تعلیمی فضیلت کی طرف قدم: معاون خصوصی جواد سہراب ملک اور وزیر تعلیم قطر H.H. النعیمی کا باہمی تعاون پر تبادلہ خیال۔
3 معاون خصوصی جواد ملک اور قطر کے وزیر تعلیم عزت ماب النعیمی صاحبہ کا تعلیم میں تعاون کی نئی راہیں تلاش کرنے کا عزم-
4. معاون خصوصی جواد سہراب ملک اور ایچ ایچ النعیمی کی اقوام کے درمیان مستقبل کے تعلیمی تعاون بڑھانے کا عزم-
وزیر اعظم کے معاون خصوصی برائے سمندر پار پاکستانیز اور ترقی انسانی وسائل، جواد سہراب ملک نے قطر کی معزز وزیر تعلیم و اعلیٰ تعلیم محترمہ بوثانیہ بنت علی الجبر النعیمی کے ساتھ تعمیری اور نتیجہ خیز گفتگو کی۔ باہمی تعاون اور تعاون کے مختلف پہلوؤں پر بات چیت کے دوران، دونوں رہنمائوں نے معیشت اور معاشرے میں تعلیم یافتہ خواتین کے اہم کردار پر زور دیا۔ انہوں نے تعلیم اور روزگار کے مواقع کے ذریعے خواتین کو بااختیار بنانے کی اہمیت کو تسلیم کیا اور اس کے مثبت اثرات کو تسلیم کیا جو کسی قوم کی مجموعی ترقی پر پڑ سکتے ہیں۔
ملاقات میں اس بات پر بھی روشنی ڈالی گئی کہ قطر اپنے وژن 2030 کے مطابق تعلیم پر توجہ مرکوز کیے ہوئے ہے، جس کا مقصد تعلیم کے معیار کو بڑھانا اور تا عمر سیکھنے کو فروغ دینا ہے۔ اسی طرح پاکستان قطر کے وژن 2030 کے مطابق انتہائی ہنر مند اور پیشہ ور افرادی قوت برآمد کرنے کا خواہاں ہے جس میں انسانی وسائل کی ترقی اور صلاحیت کی تعمیر پر زور دیا گیا ہے۔
معاون خصوصی نے عربی زبان کے لیے ایک تربیتی پروگرام متعارف کرانے کی تجویز پیش کی، جس کا مقصد کارکنوں کو فائدہ پہنچانا اور قطری ثقافت میں ان کے انضمام کو آسان بنانا ہے۔
قطر کی وزیر تعلیم اور اعلی تعلیم نے قومی ترقی کی حکمت عملی کے ایک بنیادی ستون کے طور پر تعلیم کی اہمیت پر زور دیا اور معیاری تعلیم اور خدمات کی فراہمی پر قطر کی غیر متزلزل توجہ کا اعادہ کیا۔ عربی تربیتی پروگرام پر غور کو قطر میں افرادی قوت کے ہنر کو مزید تقویت دینے کی جانب ایک قدم کے طور پر خوش آئند قرار دیا گیا۔ اس کے علاوہ انہوں نے پاکستان انٹرنیشنل اسکول (PIS) کی بھی تعریف کی اور قطر میں بڑھتی ہوئی پاکستانی کمیونٹی کو تسلیم کرتے ہوئے PIS کی علیحدہ کیمبرج برانچ کھولنے کے اقدام کے لیے مسلسل حمایت کا اظہار کیا۔ توقع ہے کہ اس اقدام سے پاکستانی تارکین وطن کو فائدہ پہنچے گا اور قطر کے قومی وژن 2030 کی تکمیل میں مدد ملے گی۔ میٹنگ باہمی ترقی کو فروغ دینے کے مشترکہ وژن کے ساتھ تعلیم اور انسانی وسائل کی ترقی اور خوشحالی کے شعبے میں تعاون کے مزید مواقع تلاش کرنے کے عزم کے ساتھ اختتام پذیر ہوئی۔ ملاقات کے دوران معاون خصوصی کے ساتھ قطر میں پاکستان کے سفیر اور کمیونٹی ویلفیئر اتاشی بھی موجود تھے۔
******
