(اصغر علی مبارک)
راولپنڈی (ٹی این ایس) پاکستان اور بنگلہ دیش کے درمیان کے درمیان میچ راولپنڈی میں ہونے والی مسلسل بارش کے باعث منسوخ کر دیا گیا۔چیمپیئنز ٹرافی کے گروپ اے سے انڈیا اور نیوزی لینڈ سیمی فائنل کے لیے کوالیفائی کر چکے ہیں جبکہ پاکستان اور بنگلہ دیش دو، دو میچز ہارنے کے بعد ایونٹ سے باہر ہو چکے ہیں۔ راولپنڈی میں چیمپیئنز ٹرافی 2025 کا میچ منسوخ ہونے کے باعث دونوں کو ایک، ایک پوائنٹ دیا گیا۔ یہ میچ پاکستانی وقت کے مطابق دوپہر دو بجے شروع ہونا تھا تاہم راولپنڈی میں رات سے وقفے وقفے سے جاری بارش کے باعث گراؤنڈ میں پانی جمع تھا اور میچ کا ٹاس تک ممکن نہیں ہو پایا۔ بنگلہ دیش کی ٹیم نے بدھ کو پریکٹس سیشن منسوخ کر دیا تھا کیونکہ گراؤنڈ کی صورت حال مناسب نہیں تھی۔ میزبان پاکستان کے لیے اپنی سرزمین پر چیمپیئنز ٹرافی 2025 ایک مایوس کن ایونٹ ثابت ہوا۔ کراچی میں نیوزی لینڈ کے خلاف ٹورنامنٹ کے افتتاحی میچ میں 60 رنز سے شکست کے بعد دبئی میں انڈیا کے ہاتھوں چھ وکٹوں سے ہار نے عملی طور پر انہیں سیمی فائنل کی دوڑ سے باہر کر دیا تھا۔ بنگلہ دیش نے بھی اپنی مہم کا آغاز شکست سے کیا جب بنگال ٹائیگرز کو چھ وکٹوں سے شکست دی۔ اس کے بعد نیوزی لینڈ نے پانچ وکٹوں سے کامیابی حاصل کرکے انڈیا اور نیوزی لینڈ کی سیمی فائنل میں جگہ یقینی بنا دی۔ایک روز قبل افغانستان نے گروپ بی کے ایک سنسنی خیز مقابلے میں انگلینڈ کو شکست دے کر انگلینڈ کو میگا ایونٹ سے باہر کر دیا۔پہلے بیٹنگ کرتے ہوئے افغانستان نے آئی سی سی مینز ون ڈے ٹورنامنٹ میں اپنی تاریخ کا سب سے بڑا سکور بنایا۔ ابراہیم زدران نے چیمپئنز ٹرافی کی تاریخ کا سب سے بڑا انفرادی سکور (177) بنایا۔ جو روٹ نے انگلینڈ کو مقابلہ کرنے کی بھرپور کوشش کی مگر افغان بولرز نے شاندار کارکردگی دکھائی۔ عظمت اللہ عمرزئی نے 5/58 کے شاندار بولنگ سپیل کے ساتھ نمایاں کارکردگی دکھائی۔ اس نتیجے کے بعد انگلینڈ سیمی فائنل کی دوڑ سے باہر ہو گیا، جبکہ افغانستان اب آسٹریلیا اور جنوبی افریقہ کے ساتھ سیمی فائنل کی دوڑ میں شامل ہو چکا ہے۔
