اسلام آباد (ٹی این ایس) میڈیکل کتابوں کے صفحوں میں آئس جذب کرکے بیرون ملک اسمگلنگ کی کوشش ناکام۔
اے این ایف نے کتابوں کی آڑ میں 13 کلو گرام آئس کی بھاری کھیپ بیرون ملک اسمگل کرنے کی کوشش ناکام بنا دی۔
کارروائی لاہور میں مال روڈ پر واقع کوریئر آفس میں کی گئی۔
خفیہ اطلاع پر آسٹریلیا بھیجے جانے والے ایک پارسل کو قبضے میں لے کر چیک کیا گیا۔
دوران چیکنگ پارسل میں موجود کتابوں کے ورقوں میں جذب منشیات کا انکشاف ہوا۔
اے این ایف عملے نے منشیات ٹیسٹنگ ڈیوائس کی مدد سے کتابوں میں جذب آئس کی تصدیق کی۔
پارسل پشاور کے رہائشی فضل رحمان نامی شخص کی جانب سے بک کروایا گیا تھا۔
پارسل قبضے میں لیکر منشیات علیحدہ کرنے کی غرض سے لیبارٹری بھیج دیا گیا ہے۔
اے این ایف کی جانب سے ملوث ملزم کی گرفتاری کیلئے مزید کارروائی کا آغاز کر دیا گیا ہے ۔
منشیات کے دھندے میں ملوث عناصر کا اسمگلنگ کیلئے کوریئر کمپنیز کو استعمال کرنا تشویشناک ہے۔
کوریئر کمپنیز کے ساتھ ملکر بذریعہ پارسلز منشیات اسمگلنگ کے انسداد کیلئے اقدامات کئے جا رہے ہیں۔
