لاہور اکتوبر 7(ٹی این ایس)کسٹمز کی ٹیم نے کارروائی کرکے بھارت سے لائے گئے ٹماٹروں کی بڑی کھیپ پکڑلی،چالیس ٹن ٹماٹروں کو ٹرکوں میں اسلام آباد سے لاہور لایا جا رہا تھا۔حکام کے مطابق ٹماٹر کشمیر ٹریڈ کی آڑ میں اسلام آباد سمگل کیا گیا جہاں سے اسے لاہور لایا جا رہا تھا۔ حکام کے مطابق پکڑے گئے ٹماٹروں کی مالیت پاکستانی کرنسی میں چالیس لاکھ روپے ہے۔واضح رہے کہ حکومت نے بھارتی ٹماٹر کی امپورٹ پر پابندی عائد کر رکھی ہے۔علاوہ ازیں کسٹمز کے وئیر ہاؤس میں ٹماٹروں کی نیلامی کا اعلان کیا گیا تاہم قیمت زیادہ ہونے کی وجہ سے پہلی بولی کامیاب نہ ہو سکی اور شام کے وقت دوسری مرتبہ بولی کا فیصلہ کیا گیا۔
