سرینگر،اکتوبر 07(ٹی این ایس) مقبوضہ کشمیر میں مجاہدین نے بھارتی پیراملٹری سینٹرل ریزرو پولیس فورس پر حملہ کرکے ایک سب انسپکٹر سمیت دو اہلکاروں کو زخمی کردیاہے ۔ یہ حملہ ہفتہ کے روز اسلام آباد ضلع کے قاضی گنڈ کے علاقے میر بازار میں نیشنل ہائی وے پر کیاگیا۔زخمی اہلکاروں کو نزدیکی ہسپتال منتقل کیا گیا جہاں سے ان کو مزید علاج کے لئے سرےنگر میں فوجی ہسپتال منتقل کیاگیا ۔ بھارتی فورسز نے حملہ آوروں کی تلاش کے لئے علاقے کو محاصرہ میں لے کر بڑے پیمانے پرخانہ تلاشی کی کاروائی شروع کردی ہے۔