نوازشریف کااحتساب عدالت میں مئوقف نہ سنا گیا تواحتجاج کریں گے،زعیم قادری

لاہور ،اکتو بر25(ٹی این ایس): مسلم لیگ ن کے مرکزی رہنماء زعیم حسین قادری نے کہا ہے کہ نوازشریف 26 اکتوبرکواحتساب عدالت میں پیش ہوں گے،نوازشریف کامئوقف نہ سنا گیا تواحتجاج کریں گے۔میڈیا رپورٹس کے مطابق ن لیگ کے مرکزی رہنماء اور صوبائی وزیرزعیم حسین قادری نے واضح کیاہے کہ نوازشریف سعودی عرب سے کل وطن واپس پہنچ جائیں گے۔سابق وزیراعظمنوازشریف 26اکتوبرکواحتساب عدالت میں پیش ہوں گے،نوازشریف کامئوقف نہ سناگیاتواحتجاج کریں گے۔

یادرہے سابق وزیراعظم نوازشریف گزشتہ روزلندن سے سعودی عرب پہنچے جہاں انہوں نے شاہی خاندان ، جدہ میں اپنی والدہ سے ملاقات کی۔نوازشریف نے اپنی والدہ اور بیٹوں کے ہمراہ عمرہ بھی اداکیا۔دوسری جانب افواہیں گردش کررہی ہیں کہ نوازشریف نے وطن واپسی کاارادہ فی الحال مئوخرکردیا ہے۔جس کے باعث وہ سعودی عرب سے لندن واپس چلے گئے ہیں ۔