اسلام آبادنومبر۵ (ٹی این ایس)رواں مالی سال2017۔18ء کی پہلی سہ ماہی میں جولائی تا ستمبر کے دوران سویا بین آئل کی قومی درآمدات میں78فیصد سے زائد کا اضافہ ہوا ہے۔ ادارہ برائے شماریات پاکستان(پی بی ایس) کے اعدادوشمارکے مطابق رواں مالی سال میں جولائی تا ستمبر2017ء کے دوران سویا بین آئل کی درآمدات کا حجم 77.1 ملین ڈالر تک بڑھ گیا جبکہ گذشتہ مالی سال میں جولائی تا ستمبر2016ء کے دوران درآمدات کا حجم 43.297 ملین ڈالر ریکارڈ کیا گیا تھا۔ اس طرح گذشتہ مالی سال کے ابتدائی تین ماہ کے مقابلہ میں جاری مالی سال کے اسی عرصہ کے دوران سویا بین آئل کی ملکی درآمدات میں78.11 فیصد کا اضافہ ریکارڈ کیا گیا ہے۔
