کراچی ،نو مبر 28(ٹی این ایس): سندھ ہائیکورٹ کے 5 مستقل ججز نے حلف اٹھالیا ،مستقل ججز کی تعداد 34 ہوگئی ہے، حلف اٹھانے والے ججوں میں جسٹس فہیم احمد صدیقی، خادم حسین، جسٹس عمر سیال، جسٹس عدنان الکریم میمن اور جسٹس یوسف علی سعید شامل ۔ تفصیلات کے مطابق سندھ ہائی کورٹ میں ججز کی حلف برداری کی تقریب ہوئی جس میں سندھ ہائیکورٹ کے ججز اور بار ایسوسی ایشن کے عہدیداروں نے شرکت کی۔نئے مستقل ججز سے حلف چیف جسٹس سندھ ہائیکورٹ جسٹس احمد علی ایم شیخ نے لیا، حلف اٹھانے والے ججوں میں جسٹس فہیم احمد صدیقی، خادم حسین، جسٹس عمر سیال، جسٹس عدنان الکریم میمن اور جسٹس یوسف علی سعید شامل ہیں۔ نئے ججز کے حلف اٹھانے کے بعد سندھ ہائیکورٹ کے مستقل ججز کی تعداد 34 ہوگئی ہے۔
