لاہوردسمبر 15(ٹی این ایس) :وزیراعلی پنجاب شہباز شریف نے کہا ہے کہ سپریم کورٹ کے فیصلے پر تمام الزامات سے بری ہو گیا ہوں،سپریم کورٹ کا فیصلہ میری سیاسی زندگی کا عظیم دن ہے۔تمام جھوٹے الزامات کو سچ سے شکست ہوئی ۔ انہوں نے نجی ٹی وی چینل سے گفتگو کرتے ہوئے کہا کہ سپریم کورٹ نے تاریخی فیصلہ دے دیا ہے کہ مجھے تمام الزامات سے سپریم کورٹ نے بری کر دیا ہے ۔یاد رہے کہ سپریم کورٹ نے حدیبیہ پیپر ملز کیس دوبارہ کھولنے سے متعلق نیب کی درخواست کو نا قابل سماعت قرار دیتے ہوئے خارج کر دیا ہے ۔
