اسلام آباد دسمبر 19(ٹی این ایس) وزیر مملکت برائے اطلاعات ونشریات مریم اورنگزیب نے کہا ہے کہ پاکستانی قوم نے دہشت گردی کے خلاف جنگ میں بے انتہا قربانیاں دیں،نتہا پسندی اور دہشت گردی کیساتھ ساتھ عدم برداشت کا مقابلہ بھی مل کر کرنا ہے،آرٹسٹ ہمارا اثاثہ اور ملک کا اصل چہرہ ہیں، فلمی صنعت کی بحالی کیلئے ٹیکس چھوٹ دے رہے ہیں۔منگل کو نویں قومی مصوری نمائش کی افتتاحی تقریب سے خطاب کرتے ہوئے مریم اورنگزیب نے کہا کہ قومی ثقافت میں آرٹسٹوں کی معاونت وقت کی ضرورت ہے، پاکستانی قوم نے دہشت گردی کے خلاف جنگ میں بے انتہا قربانیاں دیں، قومی کلچر پالیسی کا آئندہ دو ہفتوں میں اعلان کریں گے،کلچر پالیسی کے تحت تمام صوبوں کو ایک پلان دیا جائے گا۔ فلمی صنعت کی بحالی کیلئے ٹیکس چھوٹ دے رہے ہیں، آرٹسٹ ہمارا اثاثہ اور ملک کا اصل چہرہ ہیں،انتہا پسندی اور دہشت گردی کیساتھ ساتھ عدم برداشت کا مقابلہ بھی مل کر کرنا ہے۔ نویں قومی مصوری نمائش تیرہ سال بعد ہورہی ہے،ملک میں ثقافتی سرگرمیوں کا احیاء صحت مند معاشرے کا عکاس ہے۔
