کراچی،دسمبر20(ٹی این ایس) : کراچی میں نیب سندھ کے تین ڈپٹی ڈائریکٹر سمیت چار افراد کے خلاف کرپشن کا مقدمہ درج کرلیا گیا ہے۔کراچی ساﺅتھ زون میں نیب افسران کے خلاف کرپشن کا مقدمہ درج کیا گیا۔جس میں موقف اختیار کیا گیا کہ ملزمان نے سابق ڈسٹرکٹ اکاﺅنٹ افسر سکندر علی کو انکوائری کے نام پر بلایا اور اغوا کی کوشش کی۔نیب افسران نے اسلحہ دکھایا اور جان سے مارنے کی دھمکی بھی دی جبکہ انکوائری کے بعد ایک کروڑ طلب کرکے گرفتاری کی دھمکی بھی دی گئی۔مقدمے میں ڈپٹی ڈائریکٹر سروج شیخ،بلاول چوہدری اور گل افرادی کو نامزد کیا گیا۔ذرائع کے مطابق ڈپٹی ڈائریکٹر بلال چوہدری کو واقعے کے بعد کوئٹہ بھیج دیا گیا۔
