لاہورجنوری 4 (ٹی این ایس) ڈویژنل سپرنٹنڈنٹ پاکستان ریلوے لاہور ڈویژن محمد سفیان سرفراز ڈوگر نے ٹرینون کی تاخیر کا نوٹس لیتے ہوئے ڈویژنل ٹرانسپورٹیشن آفیسر سید شجاعت علی حسنین کو ہدایت کی ہے کہ دھند کے باعث تاخیر کا شکار ٹرینون کا شیڈول ہر ممکن کوشش سے بہتر بنایا جائے اور اس دوران متعلقہ حکام خاص طور پر ٹرین ڈرائیورز، اسٹیشن ماسٹرز، سیکشنل کنٹرولرز اور انچارج گارڈز کو سیفٹی اصولوں کا پابند بنایا جائے کیونکہ دوران سفر مسافروں کی حفاظت اور خدمت ریلوے انتظامیہ کی اولین ترجیح ہے۔ڈی ایس ریلوے لاہور ڈویژن نے مسافروں سے خلوص اور ہمدردی کا اظہار کیا اور کہا کہ ہر ممکن کوشش سے ٹرینوں کا شیڈول بہتر بنا لیا جائے گا۔ یاد رہے دھندلے موسم کے باعث ٹرین آپریشنل اسٹاف کو اسپیشل سیفٹی سرکولرز اور خاص ہدایات دی جاتیں ہیں جن پر سختی سے عمل بھی کروایا جاتا ہے۔
