افغان صدراشرف غنی نے ملک کے دورے پر آئے سلامتی کونسل کے ارکان سے امن کے قیام اور افغانستان میں استحکام کیلئیپاکستان پردباؤ بڑھانے کا مطالبہ کردیا

0
219

کابل ، جنوری 15 (ٹی این ایس):اقوام متحدہ کی سلامتی کونسل کے ایک وفد نے افغانستان کا تین روزہ دورہ کیا اور کابل میں افغان صدر اشرف غنی سے ملاقات کی۔ملاقات کے دوران علاقائی سطح پر دہشت گردی، آئندہ پارلیمانی انتخابات سمیت مختلف معاملات پر بات کی گئی۔

افغان صدر نے سلامتی کونسل کے ارکان سے پاکستان پر مزید دباؤ بڑھانے پر بھی بات کی۔افغان صدارتی محل کی جانب سے اشرف غنی اور سلامتی کونسل کے وفد کے درمیان ملاقات سے متعلق بیان جاری کیا گیا جس میں اشرف غنی کا کہنا تھا کہ امن کے قیام اور افغانستان میں استحکام کیلئیپڑوسی ملک پردباؤ بڑھانے کی ضرورت ہے۔انکا مزید کہناتھا کہ پاکستان سے تعلقات بہتر کرنے کیلئے کوششیں جاری ہیں لیکن پاکستان کی جانب سے مبینہ طور پر تعاون کا کوئی اشارہ نہیں مل رہا ہے،سلامتی کونسل کے خصوصی وفد میں کونسل کے موجودہ صدر قازقستان کے سفیر کیارات عمروف سمیت امریکا ،بولیویا، ایکواٹوریل گنی، ایتھوپیا، کویت ،ہالینڈ ، پیرو ،پولینڈ ، سوئیڈن ، فرانس ،روس، برطانیہ اور چین کے سفیر شریک تھے۔اس موقع پر سیکیورٹی،امن،علاقائی تعاون سمیت مختلف معاملات پر بھی بات کی گئی،اشرف غنی نے داعش اور دیگر دہشت گرد گروپوں کی تربیت اور مالی امداد سے متعلق ثبوت بھی پیش کئے

LEAVE A REPLY

Please enter your comment!
Please enter your name here