ممبئی،فروری 09(ٹی این ایس ):بالی ووڈ کی دلکش اداکاری جیکولین فرننڈس دھک دھک گرل مادھوری ڈکشت کے مشہور گیت ’ ایک تو تین ‘ کا ریمیک کریں گی۔ بالی ووڈ کی ان دنوں نئی فلموں میں ماضی کے مشہور گیتوں کا ریمیک بنانے کا رجحان بڑھتا جارہا ہے اور مداحوں کی جانب سے بھی اس اقدام کو بے حد سراہا جارہا ہے۔ سلمان خان کی مشہور فلم ’جڑواں‘ کا ریمکس بنا تو اس میں بھی ماضی کے مشہور گیت ’چلتی ہے کیا نو سے بارہ‘ اور ’اونچی ہے بلڈنگ‘ جیسے گانوں کا ریمکس بنا جس پر جیکولین فرنینڈس نے اپنی پرفارمنس سے مداحوں کے دل جیت لیے یہی وجہ ہے کہ وہ اب بالی ووڈ کی دھک دھک گرل کے مشہور گیت ’ایک دو تین‘ کے ریمیک میں جلوہ گر ہوں گی۔بھارتی میڈیا رپوٹس کے مطابق احمد خان کی ہدایت کاری میں بننے والی ٹائیگر شروف کی فلم ’باغی ‘ کے دوسرے سیکوئل میں مادھوری ڈکشت کی 1988 کی مشہور فلم ’تیزاب‘ کے گیت’ ایک دو تین‘ کا ریمیک شامل کیا جائے گا اور اس گانے پر پرفارم کرنے کے لیے خصوصی طور پر جیکولین فرنینڈس کو شامل کیا گیا ہے جس کے لئے مشہور کوریوگرافر ساروج خان کی خدمات بھی حاصل کرلی گئی ہے۔بھارتی تجزیہ کار ترن آدارش نے بھی سماجی رابطے کی ویب سائٹ ٹوئٹر پر اس خبر کی تصدیق کرتے ہوئے کہا کہ جیکولین فرننڈس اب مادھوری ڈکشت کے نقش قدم پر چلتے ہوئے فلم ’باغی 2‘ میں ماضی کے مشہور گیت ’ایک دو تین ‘ کے ریمیک میں جلوہ گر ہوں گی۔واضح رہے کہ 120 کروڑ روپے کے بجٹ سے نادیاد والا پروڈکشن میں بننے والی فلم ’باغی 2‘ میں ٹائیگر شرف اور دیشا پٹانی مرکزی کردار ادا کررہے ہیں جو 30 مارچ کو سینما گھروں کی زینت بنے گی۔
