نئی دہلی مئی 10(ٹی این ایس)کرکٹر سے سیاستدان بننے والے بھارتی پنجاب کے وزیرنوجوت سنگھ سندھوگزشتہ روز امرتسرمیں ایک آوارہ بیل کے حملے میں زخمی ہونے سے بال بال بچ گئے۔بھارتی ٹی وی کے مطابق وہ ایک گوردوارے کے باہر میڈیا کے نمائندوں سے بات چیت کررہے تھے جب یہ واقعہ پیش آیا۔نوجوت سنگھ سندھو امرتسر میں درگیانہ ٹیمپل کی تزئین و آرائش کا جائزہ لینے کے بعد جیسے ہی ٹیمپل سے باہر آئے ۔میڈیا کے نمائندوں نے انہیں گھیر لیا۔اسی دوران ایک آوارہ بیل بھی وہاں آ ٹپکااور مجمے پر حملہ کر دیا۔پولیس کا کہنا تھا کہ نوجوت سنگھ سندھو اس حملے میں بال بال بچ گئے جبکہ میڈیا کے دو نمائندوں کو معمولی چوٹیں آئیں۔
