لاہور جولائی 07(ٹی این ایس) لاہور ہائیکورٹ بار ایسوسی ایشن نے جعلی وکلاء کے خلاف مقدمات درج کرنے اور اصلی وکلاء کیلئے ہاؤسنگ سوسائٹی بنانے کا فیصلہ کرلیا۔تفصیلات کے مطابق لاہور ہائیکورٹ بار نے 9 جولائی بروز پیر ساڑھے گیارہ بجے جنرل ہاس کا اہم اجلاس طلب کر لیا۔ لاہور ہائیکورٹ بار کے کراچی شہدا ہال میں ہونے والے جنرل ہاس اجلاس میں جعلی وکلا کے خلاف مقدمات اور لاہور ہائیکورٹ بار کے وکلا کیلئے ہاؤسنگ سوسائٹی کے قیام بارے حتمی منظوری لی جائے گی۔لاہور ہائیکورٹ کے صدر کی زیرصدارت کیانی ہال میں ہونے والے اجلاس میں وکلا کو بھر پور شرکت کی دعوت دی گئی ہے۔ لاہور ہائیکورٹ بار کے رولز اور انتخابی اصلاحات بارے تبادلہ خیال کیا جائے گا۔ اجلاس میں الیکٹورل ریفارمز کمیٹی کی مرتب کردہ سفارشات پر بھی غور کیا جائے گا۔ذرائع کے مطابق اجلاس میں پنجاب بار کونسل کے جعلی لائسنس پر حاصل کی گئی، ممبر شپ کی منسوخی اور متعلقہ جعلی وکلا کیخلاف مقامی تھانوں میں مقدمات درج کروانے بارے بھی تبادلہ خیال ہوگا۔
