عمران خان دو روز لاہور میں قیام کرکے 16سے زائد مقامات پر خطابات کرینگے،ریلی بھی نکالی جائیگی
لاہور جولائی 14(ٹی این ایس)پاکستان تحریک انصاف نے مسلم لیگ (ن) کے صدر محمد شہباز شریف کی جانب سے لاہور کے مختلف حلقوں میں انتخابی مہم کے سلسلہ میں طوفانی دوروں اور 13جولائی کی ریلی کے بعد سیاسی طاقت کا مظاہرہ کرنے کا فیصلہ کر لیا ، عمران خان دو روز لاہور میں قیام کرکے 16 سے زائد مقامات پر خطابات کریں گے۔
بتایا گیا ہے کہ تحریک انصاف نے مسلم لیگ (ن) کی قیادت کی جانب سے بھرپور انتخابی سر گرمیوں کے بعد لاہور پر فوکس کرنے کا فیصلہ کیا ہے ۔ عمران خان 18اور 19جولائی کو لاہور میں قیام کر کے بھرپور انتخابی سر گرمیاں کریں گے ۔ عمران خان لاہور کے مختلف حلقوں میں16مقامات پر اجتماعات سے خطاب کریں گے ۔ بتایا گیا ہے کہ عمران خان کو ریلی کی صورت میں لے جایا جائے گا جس کا روٹ روٹ طے کرنے کیلئے مشاورت جاری ہے۔
