الیکشن میں خواتین اہم کردارادا کریں گی ، پوری قوم کی طر ح ماؤں ،بہنوں کو بھی باہر نکلنا ہو گا
لاہور جولائی 14(ٹی این ایس)پاکستان تحریک انصاف کی سینئر مرکزی رہنما و امیدوار این اے 125ڈاکٹر یاسمین راشد کی پی پی 149سے امیدوار زبیرنیازی کے ہمراہ حلقے میں ڈورٹو ڈور کمپین جاری ، جلسوں سے خطاب کیا ،ڈاکٹر یاسمین راشد نے یوسی 57میں خواتین کے جلسے سے خطاب کرتے ہوئے کہاکہ 25جولائی کے الیکشن میں خواتین اہم کردارادا کریں گی ، پوری قوم کی طر ح ماؤں او ر بہنوں کو بھی اپنا حصہ ڈالنا ہو گا ، ہمیں اپنے بچوں کے بہتر مستقبل کے لیے باہر نکلنا ہو گا ،عمران خان کا ساتھ دینا ہو گا ۔
انہوں نے کہاکہ پاکستان کو چوروں اور لٹیروں سے نجات ڈلانے میں عمران خان کا بھرپور ساتھ دیں۔نواز شر یف اور ان کے حواری اپنے انجام کو پہنچ چکے ہیں۔ کرپٹ ارو بددیانت ٹولے کا سرغنہ نواز شریف ہے۔نواز شریف اور آصف زرداری قوم کا پیسا لوٹ کر ملک سے باہر لے گئے ہیں۔۔ انہوں نے کہاکہ تحریک انصاف کی حکومت آئی تو قانون کی حکمرانی ہو گئی پورے ملک میں حکمرانوں کی حکمرانی نہیں ہو گئی ،پاکستان بدل چکا ہے عمران خان نے ڈھائی سال سے محنت کر کے نواز شریف کو یہاں پہنچایا ہے، تحریک انصاف عام لوگوں اور ان کے بنیادی مسائل کے لیے کام کرے گی اورنج لائن کا حال دیکھ لو ایک بارش نے سارا راز کھول کے رکھ دیا،مریم نے کہا تھا باہر تو کیا پاکستان میں بھی کوئی جائیداد نہیں لیکن پھر مان بھی لی ، شریف خاندان اور کرپشن نے ملک کو برباد کر دیاہے ، 25 جولائی کو ووٹ عمران خان کو دے مور بلے پر لگائے اور ملک کی تقدیر بدلیں۔
