نئی دہلی 20 جولائی (ٹی این ایس)بھارت میں 2014سے 2016کے دوران پورے ملک میں زیادتی کے ایک لاکھ 10ہزار333کیس درج کئے گئے۔
بھارتی خبررساں ادارے کے مطابق نئی دہلی میں مرکزی وزیر کرن ریجیجونے راجیہ سبھا کو بتایا کہ ملک بھر میں 2016ء میں زیادتی کے 38 ہزار947کیس درج کئے گئے جبکہ 2015ء میں 34ہزار651اور 2014ء میں 36 ہزار735کیس درج کئے گئے۔
انہوں نے بتایا کہ 2014ء میں خواتین کے خلاف جرائم کے3لاکھ39ہزار457واقعات، اور2015ء میں 3لاکھ29ہزار243واقعات اور 2016ء میں 3لاکھ38ہزار954 واقعات درج کئے گئے۔ ایک سوال کے جواب میں ریجیجو نے بتایا کہ 2015ء سے 2017کے دوران دہشتگردی سے متاثرہ ریاستوں میں 199سکیورٹی اہلکار ہلاک کئے گئے۔ حکومت تمام تر وسائل بروئے کارلاکر دہشتگری کے خاتمے کی کوششیں کررہی ہے۔
