نو منتخب ایم پی اے ملک ندیم کھوکھر اور ان کے حامیوں نے پولیس اہلکاروں پر تشدد کیا، ملوث ملزمان کے خلاف دہشت گردی کی دفعات لگائی ہیں: میڈیا سے گفتگو
لاہور، جولائی 29 (ٹی این ایس): آئی جی پنجاب کلیم امام نے این اے 135سے کامیاب ہوئے تحریک انصاف کے ایم این اے ملک کرامت علی کھوکھر کے ڈیرے پر فتح کے جشن میں اندھا دھند فائرنگ کرنے سے منع کرنے پر پی ٹی آئی کے کارکنوں کے ہاتھوں شدید تشدد سے زخمی ہونیوالے پولیس اہلکارووں کی جناح ہسپتال میں عیادت کی۔
اس موقع پر میڈیا سے گفتگو کرتے ہوئے انھوں نے کہا کہ پی ٹی ائی کے لوگوں کا پولیس پر تشدد کرنا قابل مذمت ہے ،پاکستان تحریک انصاف کے نو منتخب ایم پی اے ملک ندیم کھوکھر اور ان کے حامیوں نے پولیس اہلکاروں پر تشدد کیا۔
انھوں نے کہا کہ پولیس اہلکاروں پر تشدد میں ملوث ملزمان کے خلاف دہشت گردی کی دفعات لگائی ہیں،ملزمان کو پکڑنے کے لیے جگہ جگہ چھاپے مارے جا رہے ہیں اورملوث لوگوں کے خلاف سخت کاروائی کی جائے گی۔
