اسلام آباد جولائی 31(ٹی این ایس):آرمی چیف جنرل قمر جاوید باجوہ سے برازیل کے چیف آف اسٹاف ایڈمرل ادمیرسوبرینو نے جنرل ہیڈکوارٹرز راولپنڈی میں ملاقات کی ہے۔پاک فوج کے شعبہ تعلقاتِ عامہ (آئی ایس پی آر) کے مطابق آرمی چیف اور برازیل چیف آف اسٹاف کے درمیان ملاقات میں دوطرفہ امور پر تبادلہ خیال کیا گیا۔گفتگو کے دوران خطےکی سیکیورٹی صورت حال اور دوطرفہ فوجی تعاون بڑھانے پر بھی بات ہوئی۔برازیل کے چیف آف اسٹاف ایڈمرل ادمیرسوبرینو نے دہشت گردی کے خلاف جنگ میں پاک فوج کی کوششوں کو سراہا، انہوں نے یادگار شہداء پر پھول بھی چڑھائے۔
