لاہور، اگست 11(ٹی این ایس):پنجاب ہائی وے پٹرول کا صوبہ بھر میں جنرل ہولڈ اپ۔ کاغذات اور نمبر پلیٹ کے بغیر 1753موٹرسائیکل قبضہ پولیس میں لی، اسلحہ، منشیات ،غفلت لاپرواہی سے گاڑی چلانے کے جرم میں42مقدمات درج۔ تفصیلات کے مطابق جنرل ہولڈاپ کے دوران غفلت لاپروائی سے گاڑی چلانے کے جرم میں29 ،منشیات رکھنے کے جرم میں05 ، ناجائز اسلحہ رکھنے کے جرم میں 05 مقدمات، نو سر بازی کے جرم میں02اور غیر قانونی سلنڈر نصب کرنے کے جرم میں01 مقدمہ درج کیا گیا۔ دریں اثناء پٹرولنگ پولیس نے06 اشتہاریوں کو گرفتار کیا۔ علاوہ ازیں پنجاب ہائی وے پٹرول نے بغیر کاغذات اور نمبر پلیٹ کے1753 موٹرسائیکل قبضہ میں لے لی گئیں۔
