اعتراض یہ نظر آتا ہے کہ زرداری صاحب کی کچھ مجبوریاں ہیں،امیدوارکونامزد کرنا جماعت کی اپنی صوابدیدتھی:رانا ثناءاللہ

لاہور اگست16(ٹی این ایس)مسلم لیگ(ن)کے رہنما رانا ثناءاللہ نے کہا ہے کہ امیدوارکونامزد کرنا جماعت کی اپنی صوابدیدتھی،پیپلزپارٹی نے موقف بدلاہے اس کا جواب وہ دے سکتے ہیں،اعتراض یہ نظر آتا ہے کہ زرداری صاحب کی کچھ مجبوریاں ہیں۔

میڈیا سے گفتگو کرتے ہوئے مسلم لیگ(ن)کے رہنما رانا ثناءاللہ کا کہنا تھا کہ کسی جماعت کوحق دیتے ہیں تویہ نہیں کہتے فلاں کونامزد کریں فلاں کونہیں،پیپلزپارٹی نے خورشید شاہ کو ہماری مشاورت سے نامزدتونہیں کیا،امیدوارکونامزد کرنا جماعت کی اپنی صوابدیدتھی اور وزارت عظمیٰ کے امیدوارکی نامزدگی مسلم لیگ ن کی صوابدیدتھی۔ان کا مزید کہنا تھا کہ پیپلزپارٹی نے موقف بدلاہے اس کا جواب وہ دے سکتے ہیں،اعتراض یہ نظر آتا ہے کہ زرداری صاحب کی کچھ مجبوریاں ہیں،آصف زرداری کوئی رعایت حاصل کرنے میں کامیاب ہوجائیں توہمیں اعتراض نہیں۔