راولپنڈی اگست 27(ٹی این ایس)پاک فوج نے کیپٹن ضرار کے کورٹ مارشل سے متعلق غیر ملکی نشریاتی ادارے کی خبر کی تردید کردی۔امریکی نشریاتی ادارے نے اپنی ٹوئٹ میں وزیرستان میں سیکیورٹی فورسز کی مبینہ فائرنگ سے نوجوان کی ہلاکت کے حوالے سے یہ خبر دی تھی کہ کیپٹن ضرار کے کورٹ مارشل کی یقین دہانی کے بعد شمالی وزیرستان میں دھرنا ختم کردیا گیا ہے۔
While an inquiry has been ordered to ascertain facts, no assurance given for any court martial. No one was killed/injured by Forces. @voadeewa keeps up its tradition of false reporting. People of Waziristan are peace loving and value the attained peace. pic.twitter.com/JV5SypbFnl
— Maj Gen Asif Ghafoor (@OfficialDGISPR) August 26, 2018
تاہم آئی ایس پی آر کے ڈائریکٹر جنرل میجر جنرل آصف غفور نے اس خبر کو مسترد کرتے ہوئے کہا ہے کہ حقائق جاننے کے لیے انکوائری کا حکم دے دیا گیا ہے، کورٹ مارشل کی کوئی یقین دہانی نہیں کرائی گئی۔میجرجنرل آصف غفور نے مزید لکھا کہ سیکیورٹی فورسز کے ہاتھوں کوئی شخص زخمی یا ہلاک نہیں ہوا، ‘وی او اے دیوہ’ غلط رپورٹنگ کی روایت پر چل رہا ہے۔ڈی جی آئی ایس پی آر نے کہا کہ وزیرستان کے لوگ پرامن اور محبت کرنے والے ہیں۔
