خاتون نے اے ایس ایف حکام کو آئندہ ایسی نہ حرکت کرنے کی یقین دہانی بھی کرائی ہے
لاہور ستمبر 3(ٹی این ایس): اے ایس ایف حکام نے رقص کی ویڈیو اپ لوڈ کرنے والی خاتون اہلکار کی سزا کے تحت 2 سال کی سروس ضبط کرلی۔اے ایس ایف کی خاتون اہلکار کو گانے پر رقص کی ویڈیو اپ لوڈ کرنا مہنگا پڑگیاگزشتہ روز ائیرپورٹ سیکیورٹی فورس کی خاتون اہلکار نے گانے پر اپنے رقص کی ویڈیو انٹرنیٹ پر ڈاؤن لوڈ کی تھی جس پر اے ایس ایف نے سخت ایکشن لیا تھا۔میڈیا رپورٹس کےمطابق اے ایس ایف حکام نے خاتون اہلکار کو ویڈیو اپ لوڈ کرنے پر سزا سنادی جس میں خاتون کی 2 سال کی سروس ضبط کی گئی ہے۔ذرائع کے مطابق خاتون اہلکارکو 2 سال کی انکریمنٹ اور دیگر مراعات نہیں دی جائیں گی جب کہ خاتون نے اے ایس ایف حکام کو آئندہ ایسی نہ حرکت کرنے کی یقین دہانی بھی کرائی ہے۔دوسری جانب اے ایس ایف حکام نے اہلکاورں کے سوشل میڈیا اکاؤٹس پر بھی پابندی لگادی ہے۔
