آرمی چیف کی زیر صدارت کور کمانڈرز نے آپریشن ردالفساد میں پیش رفت کا جائزہ بھی لیا
اسلام آباد ستمبر 4(ٹی این ایس): پاک فوج کے سربراہ جنرل قمر جاوید باجوہ کا کہنا ہے کہ یوم دفاع پاکستان کے موقع پر شہداء کی قربانیوں اور خدمات کا اعتراف کیا جائے اور فوجی افسران شہدا کے خاندانوں سے ملاقاتیں کریں۔
CCC.Evolving geo-strat envmt & progress of op RuF discussed.Martyrs of Pak paid rich tribute on the eve of Def & Martyrs Day 18. COAS directed that field formations should reach out to families of martyrs in their respective areas as mark of respect & ack their great sacrifices. pic.twitter.com/QU62rwSi3F
— Maj Gen Asif Ghafoor (@OfficialDGISPR) September 4, 2018
پاک فوج کے شعبہ تعلقاتِ عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت 213 ویں کور کمانڈرز کانفرنس کا انعقاد جی ایچ کیو میں ہوا۔ کانفرنس میں آپریشن ردالفساد میں پیش رفت کا جائزہ لیا گیا اور خطے کی جیو اسٹریٹیجک صورتحال پر تبادلہ خیال کیا گیا۔کورکمانڈرز نے یوم دفاع پر شہداء کو زبردست خراج تحسین بھی پیش کیا۔ اس موقع پر پاک فوج کے سربراہ جنرل قمر جاوید باجوہ کا کہنا تھا کہ شہداء کی قربانیوں اور خدمات کا اعتراف کیاجائے، فیلڈ فارمیشنز شہداء کے خاندانوں سے مل کر ان کی قربانیوں کا اعتراف کریں۔
