لاہور اپریل 18 (ٹی این ایس): انسپکٹر جنرل پولیس پنجاب، کیپٹن (ر) عارف نواز کی سربراہی میں پولیس ریفارمز سے متعلق اہم اجلاس سنٹرل پولیس آفس لاہور میں منعقد ہوا۔ اجلاس میں ایڈیشنل آئی جی آپریشنز پنجاب، انعام غنی، ایڈیشنل آئی جی ٹریننگ، طارق مسعود یٰسین، ڈی آئی جی آئی ٹی، ذوالفقار حمید، ڈی آئی جی ڈی اینڈ آئی، احسن یونس اور ڈی آئی جی انوسٹی گیشن پنجاب، جواد ڈوگر کے علاوہ دیگر سینئر افسران نے شرکت کی۔
اجلاس میںیہ فیصلہ کیا گیا کہ پنجاب پولیس ریفارمز کے لیے صوبائی حکومت اور وفاقی حکومت کی قائم کردہ کمیٹیوں کے ساتھ بھرپورتعاون کیا جائے گا۔ آئی جی پنجاب نے پولیس کے سینئرا فسران کو یہ ذمہ داری سونپی ہے کہ وہ کُل وقتی بنیادوں پر اپنی سفارشات مرتب کر کے ان کو پیش کریں تا کہ یہ سفارشات حکومت کو بھیجی جا سکیں۔
