لاہور مئی 27 (ٹی این ایس): باہمی دلچسپی کے امور، پاک چین تعلقات کے فروغ، سی پیک کے منصوبوں پر پیشرفت اور مختلف شعبوں میں تعاون بڑھانے پرتبادلہ خیال۔ صنعت، زراعت، سیاحت اور دیگر شعبوں میں تعاون کو مزید بڑھانے پر اتفاق- پنجاب او رچین کے بڑے شہروں کے مابین اشتراک کار کو فروغ دیا جائے گا-ملاقات میں فیصلہ پاکستان اور چین کے درمیان تعلقات دو ملکوں کے نہیں بلکہ دو بھائیوں کے درمیان لازوال دوستی ہے- چین نے 70 کروڑ لوگوں کو 20برس میں غربت سے نکالاہے- وزیر اعظم عمران خان کے ویژن کے مطابق غربت کے خاتمے کے لئے چین کے بے مثال ماڈل کو پنجاب میں نافذ کریں گے- چینی نائب صدر وانگ چی شن نے کرپشن کے خاتمے کے لیے بے پناہ کام کیا ہے- کرپشن کے خاتمے کے لئے چین ہمارے لئے رول ماڈل ہے- وزیر اعلی عثمان بزدار کا کہنا تھا کہ عظیم دوست ملک کے معزز مہمان کی مہمان نوازی کرکے دلی خوشی ہوئی ہے۔ علاقائی خود مختاری اور قومی سلامتی کے امور پر چین کا تعاون قابل قدر ہے۔ وزیراعظم عمران خان کی چین میں دوسرے بیلٹ اینڈ روڈ فورم میں شرکت کے مثبت اثرات سامنے آئے ہیں۔ چین کے صدر کا روڈ اینڈ بیلٹ منصوبہ علاقائی ہی نہیں بلکہ عالمی سطح پر گیم چینجر ہے۔ سی پیک کے دوسرے مرحلے میں ایگریکلچر ڈویلپمنٹ، غربت کے خاتمے اور صنعتی تعاون پر توجہ مرکوز ہے۔ پاکستان کی تعمیر و ترقی کیلئے مختلف منصوبوں پر کام کرنے والے چینی ہمارے بھائی ہیں۔ پاک چین لازوال دوستی کی نئی تاریخ رقم ہو رہی ہے۔ پاکستان اور چین کی دوستی آئندہ نسلوں کیلئے اثاثہ ہے۔ پاکستان اور چین ترقی کے نئے سفر پر گامزن ہیں۔ پاک چین دوستی کا بندھن رہتی دنیا تک قائم رہے گا۔ نئے پاکستان میں معاشی ترقی کا نیا دور شروع ہوچکا ہے۔ چین کی سرکاری ونجی کمپنیوں کی طرف سے سرمایہ کاری کوقدر کی نگاہ سے دیکھتے ہیں۔ چین کے نائب صدر کے دورے سے بے مثال تعلقات کو نئی جہت ملے گی۔ پنجاب میں چینی تعاون سے جاری منصوبوں کی تکمیل کیلئے ہر سطح پر تعاون جاری رکھیں گے۔ چینی نائب صدر کا کہنا تھا کہ لاہور آکر بہت پیار او رمحبت ملی ہے- پاکستان او رچین کی دوستی پہلے سے کئی زیادہ پائیدار بنیادوں پر استوار ہے- پاکستانی قیادت کے ساتھ ملاقاتیں بہت مثبت رہیں۔ چین کے صدر کی ہدایت پر پاکستان آیا ہوں اور دنیا کو پیغام دینا چاہتا ہوں کہ پاک چین دوستی بہت مضبوط ہے- چین او رپاکستان کی قیادت ایک دوسرے کے بہت قریب ہیں۔ دونوں ملکوں کے درمیان تعلقات ہر آنے والے روز مضبوط سے مضبوط ہو رہے ہیں۔ لاہور پا کستان کا تاریخی شہر اور دل ہے- یہ حقیقت ہے کہ جس نے لاہور نہیں دیکھا اس نے پاکستان نہیں دیکھا۔ پاکستان کی ترقی کے سفر میں چین کا تعاون جاری رہے گا- سی پیک پاک چین دوستی کی زندہ مثال ہے- پنجاب اور شین ڈو کے درمیان شراکت داری کو فروغ دیا جائے گا- چین کے صدر کے شہر ژیان اور لاہور کے درمیان بھی مختلف شعبوں میں تعاون کو فروغ دینے کے لئے تیار ہیں۔ پنجاب او رچین کے بڑے شہروں کے درمیان ثقافت، معیشت اور دیگر شعبوں میں تعاون بڑھانا وقت کا تقاضا ہے- سی پیک خطے کے لئے گیم چینجر ثابت ہواہے- اقتصادی تعاون کو بڑھا کر صنعتی ترقی کا عمل تیز کرنا ضروری ہے- چین کے سفیر یاو جنگ، چینی قونصل جنرل لانگ ڈنگ بنگ،چینی وفد کے دیگر اراکین، وفاقی وزیر خسرو بختیار، صوبائی وزراء راجہ بشارت، ہاشم جواں بخت، ڈاکٹر اختر ملک، مشیر ڈاکٹر سلمان شاہ، چیف سیکرٹری، چیئرمین منصوبہ بندی و ترقیات، چیئرمین پنجاب سرمایہ کاری بورڈاور متعلقہ حکام بھی موجود تھے۔
