اسلام آباد جولائی 02 (ٹی این ایس): وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ وزیراعظم عمران خان کی قیادت میں نئے پاکستان نے اسمگلنگ کے ناسور کے خلاف فیصلہ کن کاروائی شروع کر دی ہے۔منگل کو اپنے ٹویٹ میں انہوں نے کہا کہ اس ناسور کے خاتمے سے مقامی صنعتوں کو فروغ ملے گا اور ملکی معیشت مضبوط ہوگی۔وزیراعظم نے وزیر داخلہ کی سربراہی میں کمیٹی قائم کرکے اسمگلنگ کے خاتمے کی جانب ایک اہم قدم اٹھادیا ہے۔کمیٹی موجودہ قوانین میں ترامیم، سرحدوں کی نگرانی اور پاک افغان ٹرانزٹ ٹریڈ کے غلط استعمال کو روکنے کے پہلوؤں کا جائزہ لے کر سفارشات مرتب کرے گی۔
