کراچی اکتوبر 02 (ٹی این ایس): نیب کی کارروائیوں سے جیالے رہنما پریشان، چیف جسٹس نے صوبائی وزیر جیل خانہ جات اعجاز علی جکھرانی پر اظہار برہمی، عدالت نے نیب کو انکوئری مکمل کرنے کے لیئے 27 نومبر تک ملتوی کردی۔چیف جسٹس سندھ ہائیکورٹ جسٹس احمد علی شیخ کی سربراہی میں جسٹس عمر سیال پر مشتمل دو رکنی بینچ کے روبرو صوبائی وزیر جیل خانہ جات اعجاز علی جکھرانی کی درخواست پر سماعت ہوئی۔
چیف جسٹس نے ریمارکس دیئے جب کال اپ نوٹس ہی نہیں ملا تو درخواست کیوں دائر کی۔ عدالت کا کمرے عدالت میں صوبائی وزیر اعجاز جکھرانی پر اظہار برہمی، عدالت نے اعجاز جکھرانی سے مکالمہ میں کہا کہ 18 ترمیم کہ بعد سندھ کو کتنے پیسے ملے پتا ہی اعجاز جھکرانی نے بتایا کہ 18 ترمیم کے بعد سندھ کو 12 سو ارب ملے۔ عدالت نے ریمارکس دیئے کہ کہاں گئے وہ پیسے، کیا کام ہوا ان پیسوں سی صوبائی وکیل نے موقف دیا کہ نیب بد نیتی پر گرفتار کر سکتی ہے۔
عدالت نے آبزوریشن دیتے ہوئے کہا کہ آپ کو سندھ سے ہونے والی بد نیتی نظر نہیں آتی۔ سندھ کے ساتھ جو کچھ ہو رہا ہے وہ کسی کو نظر نہیں آتا۔ تفتیشی افسر نیب نے بتایا کہ جیکب آباد میں سڑکوں کے ٹھیکوں کی تحقیقات جاری ہیں۔ 14 میں سے 3 سٹرکوں کا معائنہ کر چکے۔ دیگر روڈز کا معائنہ کرنے کیلئے مہلت درکار ہے۔ عدالت نے اعجاز علی جکھرانی کی ضمانت قبل از وقت گرفتاری میں 27 نومبر تک توسیع کرتے ہوئے نیب کو انکوائری کے لیئے مہلت دیدی
