اسلام آباد 05 دسبمر 2021 (ٹی این ایس): یوم شہادت میجر اکرم شہید نشان حیدر 5 دسمبر 1971 کے پاک بھارت معرکہ کے ہیرو اور نشان حیدر کا اعزاز پانے والے میجراکرم کو پاک فوج کی جانب سے شاندار الفاظ میں خراج تحسین پیش کیا گیا ہے اور سول سوسائیٹی اور معززین شہری اور سیاسی و سماجی لوگوں اعلی پولیس آفیسران اور میڈیا نے بھی میجر محمد اکرم شہید کو ان کی شہادت پر خراج تحسین پیش کیا ہے
تفصیلات کے مطابق ڈی جی آئی ایس پی آر نے میجر محمداکرم شہیدنشان حیدر کے 50 ویں یوم شہادت پر جاری پیغام میں کہا کہ میجر اکرم شہید کو وطن کیلئےجان کا نذرانہ پیش کرنے پر بھرپور خراج عقیدت پیش کرتے ہیں,ہمارے شہدا ہمارے ہیرو ہیں۔
ڈی جی آئی ایس پی آر کے مطابق میجراکرم نے مادر وطن کا دفاع کرتےہوئے بہادری کی نئی داستان رقم کی اور دلیری کیساتھ دشمن کی جنگ میں دشمن کو بھاری نقصان پہنچایا، میجراکرم شہیدکےعزم اورجرات کو ہمیشہ یاد رکھاجائیگا۔
پاک بھارت معرکہ کے ہیرو شہید میجر محمد اکرم 4 اپریل 1938ء کو ڈنگہ ضلع گجرات میں پیدا ہوئے تھے، ابتداء میں وہ نان کمیشنڈ عہدے کے لئے منتخب ہوئے مگر پھر ملٹری اکیڈمی کاکول سے تربیت حاصل کرنے اور خصوصی امتحانات پاس کرنے کے بعد 1963ء میں بحیثیت سیکنڈ لیفٹیننٹ پاکستان آرمی کی فرنٹیئر فورس رجمنٹ سے وابستہ ہوئے۔
یہ بھی جانیں کے میجر اکرم شہید، نشانِ حیدرکو’ ہیرو آف ہلی‘ کیوں کہتے ہیں کے انہوں نے
سن 1965ء میں انہیں کیپٹن کے عہدے پر ترقی دی گئی اور 1965ء کی پاک بھارت جنگ میں ظفر وال سیکٹر میں خدمات انجام دیں جبکہ 1970ء میں میجر کے عہدے پر تقرر کیا گیا۔
سن 1971ء کی جنگ میں مشرقی پاکستان کے علاقے ہلی کے محاذ پر میجر محمد اکرم نے اپنی فرنٹیئر فورس کی کمانڈ میں مسلسل پانچ دن اور پانچ راتیں اپنے سے کئی گنا زیادہ بھارتی فوج کی پیش قدمی روک کر دشمن کے اوسان خطا کئے۔
میجر محمد اکرم نے دشمن کے خلاف بہادری سے لڑتے ہوئے 5دسمبر 1971کو جام شہادت نوش کیا۔
میجر اکرم کو ” ہیرو آف ہلی کے نام سے شہرت ملی اور جرات و بہادری کی اعلیٰ مثال قائم کرنے پر شہید کو اعلیٰ ترین فوجی اعزاز نشان حیدر سے نوازا گیا ادارہ آج ان کو پانچ دسنمبر 2021 کو ان کی بے انتہا بہادری سے جام شہادت نوش کرنے پر آج کے دن شہادت پر خراج تحسین اور سلام پیش کرتا ہے
