اپوزیشن کے اجلاس میں صوبائی حکومت اور اپوزیشن کے درمیان 5 اور 6 کے فارمولا پر ہی عمل درآمد کرنے کا فیصلہ کیا گیا، اجلاس میں جمعیت علمائے اسلام (ف) کے مرکزی رہنما سینیٹر مولاناعطا الرحمن اور اپوزیشن لیڈر ڈاکٹر عباد شریک ہوئے۔
پیپلزپارٹی کے پارلیمانی لیڈر احمد کنڈی اور دیگر اپوز یشن جماعتوں کے امیدواران بھی شریک ہوئے، اہم بیٹھک کے دوران خیبرپختونخوا میں سینیٹ الیکشن کے حوالے سے موجودہ صورتحال پر تبادلہ خیال اور حکمت عملی طے کی گئی۔ قبل ازیں، خیبرپختونخوا میں سینیٹ انتخابات کے سلسلے میں پاکستان تحریک انصاف (پی ٹی آئی) کی سیاسی کمیٹی نے ناراض امیدواروں کو کاغذات نامزدگی واپس لینے پر راضی کرلیا۔
