ایم کیو ایم کو دفن کرنا ہماری پالیسی ہے اور اس کیلئے ہر طریقہ استعمال کریں گے، مصطفیٰ کمال کا اعلان

کراچی ،نومبر 08(ٹی این ایس): پاک سر زمین پارٹی کے سربراہ مصطفیٰ کمال  نے کہا ہے کہ ایم کیو ایم کو دفن کرناانکی جماعت  کی پالیسی ہے اور اس کیلئے ہر طریقہ استعمال کریں گے۔

کراچی میں پارٹی کے الیکشن سیل کے افتتاح کے موقع پر مصطفیٰ کمال نے کہا ہے کہ فاروق ستاربانی ایم کیو ایم کے مینڈیٹ کو اپنے مفاد میں استعمال کررہے ہیں، اب کوئی سینیٹر، ایم این اے یا ایم پی اے ایم کیو ایم پاکستان چھوڑ کر پی ایس پی میں آیا تو اُس سے استعفیٰ نہیں لیں گے۔

وہ فاروق ستار اینڈ کمپنی کے ’مستعار مینڈیٹ‘ کے ساتھ کیا کرنے والے ہیں مصطفیٰ کمال نے کہا کہ پاک سرزمین پارٹی آئندہ الیکشن میں ایم کیو ایم پاکستان کو ناکوں چنے چبوانے کیلئے تیارہے۔ انہوں نے اعلان کیا کہ ایم کیو ایم کا خاتمہ ان کی پارٹی پالیسی ہے اور اس کیلئے ہر طریقہ اختیار کریں گے۔

تقریب سے ڈاکٹر صغیر، رضا ہارون اور ارشد وہرہ نے بھی خطاب کیا، ان کا کہنا تھا کہ ایم کیو ایم پاکستان کی ایکسپائری ڈیٹ گزر چکی ہے۔