اسلام آباد نومبر 15(ٹی این ایس): پاکستان تحریک انصاف کی منحرف عائشہ گلالئی نے کہا ہے کہ عمران نیازی اور علی امین گنڈا پور کے طالبان سے جو تعلقات ہیں وہ سب کو معلوم ہیں ،ْڈیرہ اسماعیل خان میں لڑکی کی بے حرمتی کی گئی ،ْ وہ بااثر شخص علی امین گنڈا پور تھا ،ْنیازی صاحب نے آج 19 روز گزرنے کے باوجود مظلوم لڑکی کے لیے ایک لفظ نہیں بولا ،ْ پی ٹی وی پر حملہ کرانے والے دہشت گرد عمران نیازی کو عدالت نے ضمانت کیوں دی گئی میڈیا سے بات چیت کرتے ہوئے عائشہ گلالئی نے کہا کہ علی امین گنڈا پور کو وڈیرہ بننے کا شوق ہے جبکہ عمران نیازی اور علی امین کے طالبان سے جو تعلقات ہیں وہ سب کو معلوم ہیں۔
انہوں نے کہا کہ ڈیرہ اسماعیل خان میں لڑکی کی بے حرمتی کی گئی، وہ بااثر شخص علی امین گنڈا پور تھا جس نے یہ سب کروایا، میڈیا نے مسئلے کو اجاگر کیا تو دوبارہ اس لڑکی کا بیان رکارڈ کیا گیا تاہم نیازی صاحب نے آج 19 روز گزرنے کے باوجود مظلوم لڑکی کے لیے ایک لفظ نہیں بولا۔عائشہ گلا لئی نے کہا کہ جس صوبے کو ہم نیا پاکستان کہتے ہیں وہاں 16 سال کی لڑکی کو توہین کرتے ہوئے ویڈیو بنائی گئی تو کیا خیبرپختونخوا میں یہ تبدیلی آئی ہے
عائشہ گلالئی نے کہا کہ متاثرہ لڑکی کی ایف آئی آر بھی تھانے میں درج نہیں کی گئی، یہ لوگ اگر اقتدارمیں آگئے تو ملک کا خدا ہی حافظ ہے۔انہوں نے کہا کہ عمران کی تبدیلی اور کے پی کے کی ماڈل پولیس اس واقعے کے بعد دنیا کو نظر آچکی ہے ،ْپرویز خٹک کے پی کے میں ناظموں کو لڑوارہے ہیں ،ْانہوں نے صوبے میں ایک ناظم کو ہٹا کر اپنے بھتیجے کو ناظم بنوا دیا۔
عائشہ گلالئی نے کہا کہ میں عدالتوں پر حیران ہوں کہ وہ دہشت گردوں کو ضمانت دے رہی ہیں، پی ٹی وی پر حملہ کرانے والے دہشت گرد عمران نیازی کو عدالت نے ضمانت کیوں دی گئی علی امین کو وڈیرہ بننے کا شوق ہے اور ان کی گاڑی سے جو نکلا سب کو پتا ہے، میں بہت اچھے طرح ان لوگوں کو جانتی ہوں، ان کے خوف سے صحافی اور ڈی سی سمیت ہر طبقہ ڈرتا ہے کوئی ان کا کوئی مقابلہ نہیں کر سکتا۔عائشہ گلالئی نے کہاکہ عمران نیازی کے طالبان کے ساتھ تعلقات ہیں اور ان ہی کے کہنے پر اسلام آباد میں دھرنا دینے والے مذہبی جماعتوں کے کارکن انتشار پھیلا رہے ہیں ،ْتحریک انصاف میں 80 فیصد لوگ تنگ ہیں اور پارٹی میں ایک مخصوص ٹولہ ہے جو خواتین کے عزت و تقدس کا خیال نہیں رکھتے۔
