لاہور،نومبر 21(ٹی این ایس): لاہور ہائی کورٹ نے1950 سے اب تک پاکستان میں کرپشن کرنے والی شخصیات کے احتساب کیلئے دائر درخواست مسترد کرتے ہوئے قرار دیا ہے کہ درخواست گزار کو پہلے متعلقہ فورم نیب میں درخواست دائر کرنی چاہیے،لاہور ہائیکورٹ کے جسٹس شاہد وحید نے علم الدین ایڈووکیٹ کی درخواست پر چار صفحات پر مشتمل تحریر فیصلہ جاری کیا، عدالتی فیصلے کے مطابق اخباری تراشوں پر فیصلہ نہیں کیا جا سکتا،درخواست گزار کی جانب سے درخواست کو قابل سماعت بنانے کیلئے مکمل مواد پیش نہیں کیا گیا،درخواست گزار نے متعلقہ فورم نیب سے رجوع کئے بغیر ہائیکورٹ میں درخواست دائر کی، درخواست گزار نے موقف اختیار کیا تھا کہ عدالت جے آئی ٹی بنا کر ملک سے لوٹا گیا پیسہ واپس لانے کا حکم دے اور کرپشن کرنے والے اور ملک کو لوٹنے والوں کے احتساب کا حکم بھی دیا جائے۔
