پاکستان کیخلاف ایران کی سر زمین استعمال کرنے کی کسی کو اجازت نہیں دیں گے،کلبھوشن کے بارے میں جو اطلاعات ہیں، پاکستان کو فراہم کر دیں، ایرانی وزیر خارجہ

 
0
480

اسلام آباد مارچ 13(ٹی این ایس)ایرانی وزیر خارجہ جواد ظریف کا کہنا ہیکہ بھارتی جاسوس کلبھوشن یادیو کے بارے میں ہمارے پاس جو اطلاعات ہیں ہم نے پاکستان کو فراہم کر دی ہیں، ہم پاکستان کیخلاف ایران کی سر زمین استعمال کرنے کی کسی کو اجازت نہیں دیں گے۔ایرانی وزیر خارجہ جواد ظریف نے نجی ٹی وی کوخصوصی انٹرویو دیتے ہوئے کہا کہ کچھ عرصے سے پاکستان کے ساتھ سیکیورٹی تعلقات بہت بہتر ہوئے ہیں اور اس سلسلے میں آئندہ بھی تعاون جاری رکھیں گے۔ایرانی وزیر خارجہ نے انکشاف کیا کہ کل رات پاک ایران بارڈر پر2 خودکش حملوں کی کوشش کی گئی،پاکستان کی مدد سے ایرانی علاقے میں دہشت گردی کی کوشش ناکام بنا دی۔ایران سعودی عرب تعلقات میں پاکستان کے کردار پر بات کرتے ہوئے جواد ظریف نے کہا کہ سابق وزیراعظم نواز شریف نے ایران اور سعودی عرب میں ثالثی کا آغاز کیا اور جب وہ ایران آئے تو ان کی کوششوں کا خیرمقدم کیا گیا۔ایرانی وزیر خارجہ نے دعویٰ کیا کہ نواز شریف جب سعودی عرب گئے اور انہوں نے ثالثی کی بات کی تو اس کا وہاں خیرمقدم نہیں ہوا۔جواد ظریف نے کہا کہ ایران سی پیک منصوبے کا خیرمقدم کرتا ہے اور پاک ایران گیس پائپ لائن منصوبے میں ایران چین کو بھی شامل کرنے کے لئے تیار ہے۔ایک سوال پر جواد ظریف کا کہنا تھا کہ مسئلہ کشمیر کے حل کے لئے آئندہ بھی سہولت کاری کے لئے تیار ہیں۔