سعودی عسکری اتحادنے الحدیدہ بندرگاہ کے قریب حوثی باغیوں کی ایک عمارت کو نشانہ بنایا،حکام
صنعاء،03اپریل(ٹی این ایس):یمن میں ہونے والے ایک فضائی حملے کے نتیجے میں مزید سولہ افراد ہلاک ہو گئے ۔غیرملکی خبررساں ادارے کے مطابق سعودی عسکری اتحاد کی جانب سے الحدیدہ بندرگاہ کے قریب یہ حملہ اس عمارت پر کیا گیا، جہاں ایرانی حمایت یافتہ حوثی باغی جمع تھے۔ اس حملے میں عام شہریوں کے ہلاک ہونے کی بھی خبریں موصول ہو رہی ہیں لیکن ابھی تک آزاد ذرائع سے ان خبروں کی تصدیق نہیں ہو پائی ہے۔
