بھارتی ہم منصب،مودی سے ملاقاتیں،اقتصادی روابط کے موضوع پر بات چیت متوقع ہے،کوریائی وزارت خارجہ
سیؤل03جولائی(ٹی این ایس)جنوبی کوریا کے صدر مون جے اِن آٹھ سے گیارہ جولائی تک بھارت کا دورہ کریں گے۔ غیرملکی خبررساں ادارے کے مطابق جنوبی کوریا کی وزارت خارجہ کے ایک ترجمان نے منگل کو جاری کیے گئے اپنے بیان میں کہاکہ صدر اِن کی بھارتی وزیر اعظم نریندر مودی سے ملاقات میں اقتصادی روابط کے موضوع پر بات چیت متوقع ہے۔ ایک بیان میں کہا گیا کہ بھارت صرف معاشی حوالے سے نہیں بلکہ جزیرہ نما کوریا میں امن کے قیام کی کوششوں کی وجہ سے بھی جنوبی کوریا کا ایک اہم ترین ساتھی بنتا جا رہا ہے۔ صدر اِن اپنے بھارتی ہم منصب رام ناتھ کووند سے بھی ملیں گے۔ دونوں ممالک کے مابین 1973ء میں سفارتی تعلقات قائم ہوئے تھے۔
