گفتگومیں پوٹن اور ٹرمپ کی طے شدہ ملاقات کی تیاریوں کے بارے میں بات چیت کی گئی ،امریکی محکمہ خارجہ
واشنگٹن04جولائی(ٹی این ایس)امریکی وزیر خارجہ مائیک پومپیو اور ان کے روسی ہم منصب سیرگئی لاوروف کے درمیان ٹیلی فونک رابطہ ہوا ہے جس میں پوٹن اور ٹرمپ کی طے شدہ ملاقات کی تیاریوں کے بارے میں بات چیت کی گئی ہے۔ غیرملکی خبررساں ادارے کے مطابق امریکی وزارت خارجہ کی طرف سے جاری ہونے والے بیان میں کہاگیاکہ دونوں رہنماؤں نے شام اور شمالی کوریا کے معاملے پر بھی گفتگو کی۔ ٹرمپ اور پوٹن کے درمیان ملاقات 16 جولائی کو فِن لینڈ کے دارالحکومت ہیلسنکی میں ہونا ہے۔
