لاہور، جولائی 10(ٹی این ایس):آشنا کے ساتھ ملکر خاوند کو قتل کے الزام میں قید تہمینہ پروین نامی خاتون ملزمہ کی لاہور ہائی کورٹکے جج مسٹر جسٹس راجہ شاہد محمود عباسی نے ضمانت منظور کر لی تفصیلات کے مطابق تھانہ کہوٹہ کے مشہور قتل مقدمہ میں ملوث تہمینہ پروین نامی خاتون ملزمہ کو سال ٢٠١٧ میں مقدمہ نمبر ٢٩٩ زیر دفعہ جرم ٣٠٢ تعزرا ت پاکستان کی دفعات کے تحت گرفتارکیا گیا تھا۔
خاتون ملزمہ تہمینہ پروین پر سسرالیوں کی طرف سے مبینہ طور پر خاوند بابر سلطان کوآشنا کے ساتھ ملکر قتل کرنے کا الزام تھا ،خاوند کو قتل کے الزام میں قید تہمینہ پروین کے وکیل اصغر علی مبارک نے لاہور ہائی کورٹ کے جج جناب جسٹس راجہ شاہد محمود عباسی کی عدالت میں دلائل دیتے ہوے کہا کہ آشنا کے ساتھ ملکر خاوند کو قتل کرنے کا الزام جھوٹا اور بے بنیاد ہے جو صرف ملزمہ اور اسکے والدین کو بلیک میل ،حراساں کرنے کی کوشش ہے ملزمہ خاوند کو قتل کرنے کا سوچ بھی نہیں سکتی اور ایک چالیس کلو گرام وزن سے بھی کم وزن والی دبلی پتلی لڑکی اپنے سے کئی گنا صحت مند نوجوان کو ہاتھوں سے گلا گھونٹ کر کیسے مار سکتی ہے پولیس کے سامنے اقرار کی قانون شھادت میں کوئی وقعت نہیں ہے فاضل جج جناب جسٹس راجہ شاہد محمود عباسی نے خاوند کو قتل کے الزام میں قید تہمینہ پروین کے وکیل اصغر علی مبارک اور استغاثہ کے دلائل سننے کے بعد ملزمہ کو دو لاکھ کے ضمانتی مچلکوں پر رھا کرنے کا حکم دیا.
