ٹورنٹو26جولائی(ٹی این ایس)کینیڈا کی پولیس کے مطابق ٹورونٹو میں ہونے والے حملے میں داعش کے ملوث ہونے سے متعلق شواہد نہیں ملے ۔غیرملکی خبررساں ادارے کے مطابق پولیس نے بتایاکہ داعش نے اس حملے کی ذمہ داری قبول کی تھی، تاہم اس دہشت گرد تنظیم کے دعوے کے حق میں شواہد نہیں ملے۔ ٹورونٹو میں فائرنگ کے ایک واقعے میں دو افراد ہلاک جب کہ تیرہ زخمی ہو گئے تھے۔ پولیس کا تاہم کہنا تھاکہ اس حملے کے درپردہ حقائق کی تفتیش میں تمام پہلوؤں کو مدنظر رکھا جا رہا ہے۔
