راولپنڈی اگست 3(ٹی این ایس) آرمی چیف جنرل قمر جاوید باجوہ سے مالدیپ کے سفیر نے ملاقات کی۔پاک فوج کے شعبہ تعلقات عامہ آئی ایس پی آر کے مطابق پاکستان میں متعین مالدیپ کے سفیر احمد سلیم نے جی ایچ کیو کا دورہ کیا۔جی ایچ کیو آمد کے موقع پر انہوں نے آرمی چیف جنرل قمرجاوید باجوہ سے بھی ملاقات کی۔آئی ایس پی آر کا کہنا ہے کہ ملاقات میں باہمی دلچسپی اور علاقائی سیکیورٹی کے امور پر بات چیت ہوئی۔اس موقع پر مالدیپ کے سفیر نے خطے میں امن اور استحکام کے لیے پاکستان کے کردار کی تعریف بھی کی۔
