کراچی ستمبر 22(ٹی این ایس): عاشورہ محرم الحرام کے موقع پر سہولیات کی فراہمی کیلئے انتظامیہ بلدیہ غربی کے افسران و عملے نے جس طرح شب وروزجد وجہد کی وہ لائق تحسین اقدام ہے ان خیالات کا اظہا رچیئرمین بلد یہ غربی اظہار الد ین احمد خان نے اراکین کونسل کے ہمراہ 10 محرم الحرام کو اورنگی زون سے نکالے جانے والے تعزیوں کے جلوس اورکیماڑی زون نیٹی جیٹی پل پر شہر کے مختلف علاقوں سے ٹھنڈا کرنے کیلئے لائے جانے والے تعزیوں کا معائینہ کرتے ہوئے کیا انہوں نے تعزیوں کے کے جلوس کے شرکاء سے ملاقات کی اور انتظامیہ کی جانب سے کرائے جانے والے انتظامات کے بارے میں ان کی رائے حاصل کی شرکاء نے انتظامیہ کی جانب سے جلوس کی گذرگاہوں پر صفائی ستھرائی اور روشنی کی فراہمی کے حوالے سے کرائے جانے والوں کاموں پر اطمینان کا اظہار کیا چیئرمین نے انتظامیہ بلدیہ غربی کی جانب سے لگائے جانے والے کیمپ کا معائینہ بھی کیاکیمپ میں موجود بلدیاتی افسران نے تعزیوں کے شرکاء کو فراہم کی جانے والی سہولیات کے حوالے سے بریفنگ دیتے ہوئے بتایا کہ بلدیہ غربی کی حدود سے برآمد ہونے والے تعزیوں کے جلوس کی گذرگاہوں پر صفائی ستھرائی اور روشنی کی فراہمی کے انتظامات برق وقت مکمل کرلئے گئے تھے جلوس کے شرکاء کیلئے مختلف مقامات پر استقبالیہ کیمپ قائم کیئے گئے ہیں جہاں ان کی تواضع ٹھنڈے پانی اور مشروبات سے کی جارہی ہے۔
