اسلام آباد جون 04 (ٹی این ایس): آج صوبہ خیبر پختونخواہ میں صوبائی حکومت کی جانب سے سرکاری طور پر عید منائی جا رہی ہے۔ اس معاملے پر خود تحریک انصاف میں بھی شدید اختلافات دکھائی دیتے ہیں۔ وفاقی وزیر برائے سائنس و ٹیکنالوجی فواد چودھری کی رویت ہلال کے حوالے سے کافی دِنوں سے مفتی منیب الرحمن سے لفظی جنگ جاری تھی۔ تاہم اُن کی اپنی جماعت پاکستان تحریک انصاف کی صوبہ خیبر پختونخواہ میں قائم صوبائی حکومت کی جانب سے 28 روزوں کے بعد عید کے اعلان سے وہ خود بھی پریشان ہو گئے ہیں۔
گزشتہ روز خیبر پختونخواہ میں عید کے سرکاری طور پر اعلان کے بعد فواد چودھری نے مختلف ٹویٹس کے ذریعے اس معاملے پر اپنے اشتعال کا اظہار کرتے ہوئے کہا ۔ ”فکر نہ کریں یہ بات سمجھاتے کہ پرنٹنگ پریس حرام نہیں ہے نہ ہی ٹرین کا سفر اور نہ ہی لاﺅڈ اسپیکر کفر ہیں کوئی دو سو سال لگے۔ یہ موضوع تو ابھی شروع ہوا ہے زیادہ عرصہ نہیں درکار انشاءاللہ“
فکر نہ کریں یہ بات سمجھاتے کہ پرنٹنگ پریس حرام نہیں ہے نہ ہی ٹرین کا سفر اور نہ ہی لاؤڈ اسپیکر کفر ہیں کوئ دو سو سال لگے یہ موضوع تو ابھی شروع ہوا ہے زیادہ عرصہ نہیں درکار انشاللہٰ https://t.co/YFu11Fpdvt
— Ch Fawad Hussain (@fawadchaudhry) June 3, 2019
جبکہ چاند کی رویت کے حوالے سے بھی انہوں نے طنزیہ انداز اپناتے ہوئے کہا ”کوئی اپنا نام چاند رکھ لے تو ہی ممکن ہے آج چاند نظر آنا۔“