لاہور جون 24 (ٹی این ایس): وزیراعلیٰ عثمان بزدار کا مرحلہ وار پروگرام کے تحت صوبے کے ہر ضلع میں یونیورسٹی کے قیام کا اعلان۔ بارڈر ملٹری پولیس کی خالی آسامیوں پر بھرتیوں کا فیصلہ، بھرتیاں میرٹ پر ہونگی، ڈی جی خان پیکیج میں کرپشن برداشت نہیں کرونگا۔ جنوبی پنجاب کیلئے مختص فنڈز کسی اور مقصد کیلئے استعمال نہیں ہونگے، جنوبی پنجاب کو ترقی کے لحاظ سے رول ماڈل بنائیں گے دریائے سندھ کے کٹاؤ کے باعث لیہ اور راجن پور کے بعض علاقوں کو بچانے کے لئے ضروری اقدامات کی ہدایت مظفر گڑھ میں سڑکوں کی دیکھ بھال کے فنڈ کے غلط استعمال کی شکایت پرانکوائری کاحکم، راجن پور او رلیہ میں زچہ و بچہ ہسپتال بنیں گے تعلیم اور صحت کی سہولتوں کو مزید بہتر بنانے کیلئے خصوصی فنڈز رکھے گئے ہیں، سڑکوں کی تعمیر و مرمت کیلئے وسائل فراہم کریں گے ڈویژن میں ضرورت کے مطابق ریسکیو 1122 کے سٹیشن قائم کئے جائینگے، ایم ایم روڈ کو کشادہ کرنے کا منصوبہ شروع کیا جا رہا ہے۔ نکلسن روڈ کو نوابزادہ نصراللہ خان مرحوم کے نام سے منسوب کرنے کے نوٹیفکیشن کے فوری اجراء کا حکم دیا، اراضی سنٹرز کیلئے کمیٹی تشکیل۔ علی پور سے ترنڈہ محمد پناہ تک سڑک پبلک پرائیویٹ پارٹنرشپ کے تحت بنائی جائیگی، مظفر گڑھ میں انڈسٹریل سٹیٹ قائم کرینگے کرپشن نے پہلے ہی ملک کا بیڑا غرق کیاہے، کسی کرپٹ اہلکار کو برداشت نہیں کرونگا، کرپٹ ملازمین کیخلاف کارروائی کاحکم۔
وزیراعلیٰ سے ڈیرہ غازی خان ڈویژن کے اراکین اسمبلی کی ملاقات، حلقو ں کے مسائل کے حل اور ترقیاتی کاموں کیلئے موقع پر ہی احکامات
اراکین اسمبلی کی بہترین بجٹ اور جنوبی پنجاب کی ترقی کیلئے 35فیصد فنڈز مختص کرنے پر وزیراعلیٰ سردار عثمان بزدار کو مبارکباد
